IN MEMORIAM
ПАВЛИНА АПОСТОЛОВА (1927-2018)
ПРВЕНКА НА МАКЕДОНСКАТА ОПЕРА И БАЛЕТ
Почитувани,
Ве известуваме дека почина Павлина Апостолова-Богданова, првенка на Македонската опера и балет.
Замина во вечноста уште еден основоположник на Македонската опера и балет. Првенката на Македонската опера Павлина Апостолова, беше една од првата генерација оперски уметници кои ќе бидат запишани со златни букви во македонската музичка историја и воопшто, во македонската музичка култура. Таа е претставник на генерацијата, која со огромна љубов и ентузијазам, целосно ќе се посвети на создавањето на најголемата културна институција во Македонија.
По повод смртта на Павлина Апостолова, во понеделик, 23 април, 2018 г. во 10 часот, на големата сцена во Македонската опера и балет ќе се одржи комеморација.
Ги покануваме сите почитувачи на делото на Апостолова, како и љубители на оперската уметност, за присуство на комеморацијата.
Со почит,
Македонска опера и балет