ОПЕРА И БАЛЕТ ВО ВАШИТЕ ДОМОВИ 

Драги љубители на оперската и балетска уметност,

Во петок, 17 јули со почеток во 20.00 часот на официјалниот YouTube канал на Националната опера и балет ќе имате можност да  ја гледате оперската претстава „Мадам Батерфлај“ од Џакомо Пучини.

*Снимката  е од нашата архива и е работна снимка.

Линк до каналот:
https://www.youtube.com/user/makoib

Диригент: Бисера Чадловска
Режисер: Александар Текелиев (Бугарија)
Сценограф: Живојин Трајановиќ
Костимограф: Лира Грабул
Асс. хор мајстор: Јасмина Ѓорѓеска , Ѓурѓица Дашиќ
Корепетитори: Елена Сиљаноска, Јанинка Невчева, Андрејa Наунов

Настапуваат:
Чо Чо Сан (Мадам Батерфлај): Мина Јамазаки (Јапонија)
Пинкертон: Ѓорѓи Цуцковски
Шарплес: Борис Трајанов
Сузуки: Марика Поповиќ
Горо: Дејан Стоев
Бонзо: Невен Силјановски
Јамадори : Игор Гиновски
Кејт Пинкертон: Николина Јаневска
Дете: Евгенија Кочоска
Мајката На Чо Чо Сан: Катерина Митева
Тетките на Чо Чо Сан: Биљана Јосифов, Марија Наумовска
Комесар: Зоран Даскаловски
Офицер: Игор Пармаковски
Слугa: Панче Стојановски
Морнар: Диме Петров
Самураи: Драган Ампов, Драган Костадиновиќ
Јакусиде: Теофил Николовски

Хорот и оркестарот на Национална опера и балет

******************************************************************************************
G. Puccini
MADAMA BUTTERFLY

Conductor: Bisera Chadlovska
Director: Aleksandar Tekeliev ( Bulgaria)
Set designer: Zhivojin Trajanovic
Costume designer: Lira Grabul
Ass. Chorus master: Jasmina Gjorgjeska, Gjurgjica Dashikj
Piano accompanists: Elena Siljanoska, Janinka Nevcheva, Andreja Naunov

CAST:
Cio-Cio San (Madama Butterfly): Mina Yamazaki (Japan)
Pinkerton: Gjorgji Cuckovski
Sharpless: Boris Trajanov
Suzuki: Marika Popovikj
Goro: Dejan Stoev
The Bonze: Neven Siljanovski
Yamadori: Igor Ginovski
Kate Pinkerton: Nikolina Janevska
Child: Evgenija Kochoska
Cio-Cio San’s mother: Katerina Miteva
The aunts: Biljana Josifov, Marija Naumovska
Commissioner: Zoran Daskalovski
The Official Registrar: Igor Parmakovski
Servent: Panche Stojanovski
Sailor: Dime Petrov
Samirai: Dragan Ampov, Dragan Kostadinovikj
Yakuside: Teofil Nikolovski

The choir and orchestra of the National Opera & Ballet

_______________________________________________________________________________________________________________

Синопсис
I ЧИН
Нагасаки, Јапонија кон крајот на деветнаесетиот век. На цветна тераса над пристаништето на Нагасаки, Американскиот поморски Капетан Бенџамин Франклин Пинкертон ја проверува куќата која ја изнајмил од брачниот посредник, Горо, кој му обезбедил и жена-гејшата Чо Чо Сан, позната како Мадам Батерфлај. На Американскиот конзул, Шарплес, Пинкертон му ја објаснува филозофијата на морнар кој крстари по светот во потрага по задоволства. Во моментот тој е воодушевен од нежната Чо Чо Сан, која се слуша во далечина како радосно пее за нејзината венчавка. Влегувајќи опкружена со своите пријателки, таа му кажува на Пинкертон како, кога нејзиното семејство живеело во тешки времиња, таа морала да заработи за живот живеејќи како Гејша. Нејзините роднини влетуваат, бучно изразувајќи ги своите мислења за нивниот брак. Чо Чо Сан му ги покажува на својот младоженец семејните реликвии и му кажува за нејзината намера да ја превземе неговата Христијанска вера. Кралскиот комесар ја изведува венчалната церемонија и гостите и наздравуваат на двојката. Славењето го прекинува вујкото на Чо Чо Сан, Бонзо-будистички свештеник, кој ја проколнува девојката за отфрлањето на религијата на нејзините предци. Пинкертон луто ги брка гостите. Сами со Чо Чо Сан во градината осветлена од месечината, тој ги брише нејзините солзи и таа му се придружува во опејувањето на нивната љубов.

II ЧИН
Три години подоцна, Чо Чо Сан го чека враќањето на својот маж. Таа стои покрај вратата со поглед фиксиран кон пристаништето. Слугинката се жали дека имаат уште малку пари, но Чо Чо Сан има надеж дека еден ден бродот на Пинкертон ќе се појави на хоризонтот. Шарплес носи писмо од офицерот, но пред да може да и го прочита на Чо Чо Сан, Горо доаѓа со лице кое ја бара нејзината рака, богатиот принц Јамадори. Чо Чо Сан ги отфрла брачниот посредник и принцот, инсистирајќи дека нејзиниот сопруг сеуште не ја напуштил. Кога остануваат сами, Шарплес го чита писмото и и кажува дека Пинкертон може да не се врати. Чо Чо Сан му го покажува нејзиното дете, Долоре велејќи дека кога наскоро Пинкертон ќе разбере дека има син сигурно ќе се врати. Ако не се врати, таа побргу би умрела отколку да му се врати на претходниот живот. Трогнат од нејзината преданост, Шарплес заминува без да ја открие целата содржина на писмото. Чо Чо Сан во моментот на очај слуша топовски истрел. Грабајќи го телескопот, таа открива дека бродот на Пинкертон влегува во пристаништето. Како паѓа ноќта, Чо Чо Сан, Сузуки и детето го почнуваат своето исчекување.

III ЧИН
Кога се зазорува, Сузуки инсистира Чо Чо Сан да се одмори. Пеејќи му приспивна песна на нејзиното дете, таа го носи во соседната соба. По кусо време Шарплес влегува со Пинкертон, следен од Кејт, неговата нова жена. Кога Сузуки сфаќа која е Американката, се согласува да помогне во соопштувањето на новостите на нејзината господарка. Пинкертон, обземен од вина, упатува нежен поздрав на местото на неговата претходна среќа и бргу заминува. Кога Чо Чо Сан истапува очекувајќи да го најде него, таа ја наоѓа Кејт. Скршената Чо Чо Сан се согласува да го даде нејзиното дете ако неговиот татко се врати по него. Тогаш, таа го зема мечот со кој нејзиниот татко извршил самоубиство и се поклонува пред статуата на Буда, одбирајќи да умре со чест наместо да живее во срам. Кога таа ја подига острицата, Сузуки го турнува детето во собата. Со плачливо простување, Чо Чо Сан го праќа во градината да си игра и потоа се прободува. Додека умира, го слуша Пинкертон како го повикува нејзиното име.