OPERA DHE BALETI NACIONAL – OPERA
MBRËMJET E 51 TË OPERËS SË MAJIT

XHUZEPE VERDI
“TRAVIATA”
21.05.2023

Dirigjent: Stefano Vinjati (Itali)
Regjisor: Verena Shtojber (Gjermani)
Skenografe dhe kostumografe: Sofie Shnajder (Gjermani)
Koreograf: Sasha Eftimova
Asistent regjisor: Trajko Jordanovski, Ljupka Jakimovska
Ass. Dirigjente: Katerina Stojkovska
Koncert–mjeshtër: Verica Lambevska
Asistente e korit: Jasmina Gjorgjeska
Korepetitor: Elena Siljanoska, Janinka Nevçeva, Andreja Naunov, Jordan Petrushevski
Inspicientë: Ljupço Polizov, Dragan Kostadinoviq, Marko Pavlevski
Sufler: Nevena Georgieva

Rolet:
Violeta Valeri: Ana Durlovski
Alfred Zhermon: Blagoj Nacoski
Zhorzh Zhermon: Carlos Almager Villalobos (Spanjë)
Flora Bervois: Marika Popoviç
Anina: Aleksandra Lazarovska Vasilevski
Baroni Dufol: Vasko Zdravkov
Markiz D’Oobinji: Dragan Ampov
Gaston: Dejan Stoev
Dr. Grenvill: Borko Bigjovski
Xhuzepe: Igor Ginovski
Komisario: Dime Petrov

Marrin pjesë kori, ansambli i baletit dhe orkestra e OBN
Kohëzgjatja e shfaqjes 130 minuta

TRAVIATA

Operë në tre akte nga Xhuzepe Verdi. Libreti i shkruar nga Francesko Maria Piave. Historia bazohet në novelën “Zonja me kamelia” të Aleksandër Dymas. Shfaqja e parë ishte në Venecia, më 6 mars 1853 në Teatro la Fenice.

Sinopsis

AKTI I

Kurtezanja Violeta Valerie mirëpret të ftuarit në festën që po organizon në sallonin e saj. Të ftuar të tjerë janë Flora Bervoa, markizi Obinji, baron Dufol dhe Gaston Letorier, si dhe admiruesin e ri të Violetë, Alfred Zhermont.

Ky i ri që prej kohësh e ka admiruar Violetën dhe i bashkohet këngës së “verës”. Nga dhoma ngjitur dëgjohet muzika. Ndërsa të ftuarit hyjnë për të kërcyer. Violeta sëmuret, kështu që ajo tërhiqet në dhomën e saj për t’u shëruar. Hyn Alfredi dhe duke parë që janë vetëm, i tregon Violetës dashurinë e tij. Ajo reziston në fillim, duke thënë se dashuria nuk do të thotë asgjë për të. Mirëpo, sinqeriteti i djalit nuk e lë indiferente, ndaj i premton një takim të nesërmen. Të ftuarit largohen nga festa dhe Violeta pyet veten – a është ky mashkulli që do të donte? Ajo ende zgjedh lirinë, edhe pse zëri i Alfredit që vjen nga jashtë duket se dëshiron ta bindë të kundërtën.

AKTI II

Disa muaj më vonë. Alfredi dhe Violeta jetojnë në një shtëpi fshati afër Parisit. Ai vlerëson përkushtimin e tyre të ndërsjellë. Shërbëtorja Annina i tregon se Violeta sakrifikoi bizhuteritë e saj që të mund të ruante shtëpinë. Me këtë Alfredi shkon në qytet për t’i zgjidhur gjërat sipas mënyrës së tij. Violeta kthehet, duke kërkuar Alfredin, por gjen një ftesë për festën e së njëjtës mbrëmje në Flora Bervoa. Violeta nuk ka ndërmend t’i rikthehet mënyrës së vjetër të jetës, por telashet fillojnë me shfaqjen e babait të Alfredit, Zhorzh Zhermont. Atij i bën përshtypje sjellja xhentëlmene e Violetës, por gjithsesi i kërkon asaj të ndërpresë fejesën me djalin e tij (një skandal që ka të bëjë me marrëdhënien e tyre, e vënë në pikëpyetje fejesën e motrës së Alfredit.) Violeta në fillim refuzon, por dorëzohet, me zemër të rënduar. E vetme dhe e braktisur, Violeta i shkruan një letër lamtumire Alfredit dhe pranon ftesën e Florës. Alfredi hyn papritmas në dhomë dhe Violeta, mezi e kontrollon veten, i kujton se sa shumë e do dhe vrapon jashtë. Shërbëtori i jep Alfredit letrën e lamtumirës dhe babai i tij e ngushëllon, duke i kujtuar jetën e bukur familjare në Provense. Pasi Alfredi vëren ftesën e Florës, dyshon se Violeta dëshiron ta refuzojë për një të dashur tjetër, ndaj vendos të shkojë vetë ta kundërshtojë ahengun.

AKTI III

Skena 1. Ahengu te Flora. Markiz Obinjo i thotë Florës se Violeta dhe Alfredi janë ndarë. Podiumi është i pastër për performancën e artistëve profesionistë: një grup fallxhoresh cigane dhe disa matadorë që këndojnë për Pikilon dhe të dashurin e tij. Së shpejti mbërrin Alfredi, i cili bën disa komente të hidhura për dashurinë dhe fillon të luajë në mënyrë të pahijshme. Violeta mbërrin e shoqëruar nga baroni Dufol, i cili sfidon Alfredin në një lojë letrash. Në tryezën e lojërave të fatit, baroni humb një pasuri të vogël. Të gjithë brohorasin dhe Violeta i lutet Alfredit që të takohen privatisht. Ajo është e tmerruar nga zemërimi i baronit dhe i lutet Alfredit të largohet. Alfredi keqinterpreton shqetësimin e saj dhe kërkon që ajo të rrëfejë se e do baronin. Zemërthyer, ajo pretendon se është e vërtetë. Tani Alfredi thërret pjesën tjetër të të ftuarve të mblidhen, njofton publikisht se po ndahet nga dashuria e dikurshme dhe ia hedh paratë e bixhozit Violetës në këmbë. At Zhermen hyn në kohën e duhur për të parë se çfarë po ndodh dhe dënon sjelljen e djalit të tij. Të ftuarit kritikojnë ashpër Alfredin dhe baron Dufol e sfidon atë në një duel.

Skena 2. Gjashtë muaj më vonë, në dhomën e gjumit të Violeta Valerie. Doktori Grenvill informon Aninën se e dashura e saj vuan nga tuberkulozi dhe nuk do të ketë shumë jetë. Violeta është vetëm dhe rilexon letrën që Zhermon i dërgoi asaj. Ai e informon atë se baroni u plagos në duelin me Alfredin dhe ai e di të vërtetën dhe është në rrugë për t’i kërkuar falje. Megjithatë, Violeta e di që është tepër vonë për gjithçka. Në Paris mbretëron një humor karnavali. Njerëz të gëzuar kalojnë nëpër rrugë. Anina hyn për të njoftuar Alfredin. Të dashuruarit e pasionuar planifikojnë të largohen përgjithmonë nga Parisi. Zhermon hyn i shoqëruar nga doktori, ndërsa Violeta përpiqet të mbledhë forcën e fundit. Ajo ndjen se i kthehet jeta, por lëkundet dhe bie e vdekur në këmbët e të dashurit të saj.