Д (како Дездемона) – премиера
Современа танцова претстава, инспириана од трагедијата на Вилијам Шекспир „Отело“

24 април, 20 часот, Мала сцена

Кореографија и режија: Рисима Рисимкин
Музика: Тони Китановски
Костими: Благој Мицевски
Сценограф: Матеа Мијановиќ

Настапуваат:
Дездемона: Анастасија Данчевска
Јаго: Дејан Битровски
Отело: Лука Ѓорѓиевски
Емилија: Сара Димовска
Сенка – Давор Милев
Гласови: Надја Луканова, Елена Терзиева, Ивона Маневска

Претставата е инспирирана од трагедијата на Вилијам Шекспир „Отело“. Рисима Рисимкин продолжува со истражувањето на творештвото на овој извонреден драмски автор, со посебен акцент на женските ликови во неговите дела. По „Лејди Магбет“, ова е втора претстава која е базирана на женски лик од делата на Шекспир, т.с. втор дел од трилогијата Жените во делата на Шекспир која оваа кореографка ја работи.
Рисима Рисимкин е една од водечките македонски короеграфи. Таа е оснивач и уметнички директор на Скопје танцовиот театар, како и актуелен декан на Филмската академија, при Универзитетот „Гоце Делчев“. Во 1996 година го оснива културниот центар Интерарт, а во 2005 година фестивалот Танц Фест Скопје, кој го води како уметнички директор помеѓу 2005-2024 година. Има создадено повеќе од 40 авторски проекти, со кои гостува на домашната и интернационалната танцова сцена низ Еврропа, Азија и САД. За својата севкупна работа, Рисимкин, во 2024 година е одликувана со Орден од редот на Витез на уметноста и книжевноста од Француската влада.

Скопје танцовиот театар е единствената современа танцова компанија која во континуитет работи од 2011 година, а чија работа е во организација на Интерарт културниот центар. Компанијата има продуцирано над 70 претстави во четиринаесетте години на своето постоење. Во 2022 година остварува историско гостување на сцената на Националниот театар за соврмеен танц „Шајо“ во Париз, Франција, а гостувањето на претставата „Идентитети – Историја на еден растегнат сон“ на Рисимкин, париската критиката го оцени како „брилјантна претстава на авангарден кореограф“. Скопје танцовиот театра гостува и на престижни сцени ширум светот: на „Battery Dance Festival“ во Њујорк, САД, „Holland Dance Festival“ во Хаг, Холандија, „Meet in Beijing“ во Пекинг, Кина, Верона Шекспир Фринге Фестивал, Верона, Италија, како и во многу други градови низ Европа и Азија. Работата на Скопје танцов театар е поддржана од Министерството за култура.