Диригент: Бисера Чадловска
Кореограф: Михаил Крапивин (Русија)
Сценограф: Живојин Трајановиќ
Костимограф: Љупка Ристовска
Концерт мајстор: Верица Ламбевска
Репетитори:Горан Божинов, Васил Чичијашвили( Грузија ),Лора Тарчуговска, Билјана Пашариковска
Светло мајстор: Милчо Александров

НАСТАПУВААТ:
Есмералда: Мими Поп Алексова Атанасовска
Феб: Бобан Ковачевски
Флер де Лис: Христина Наќевска
Квазимодо: Ендру Кук (Англија)
Клод Фроло:Мирослав Митрашиновиќ
Гудула: Марија Јосифовска Ристовска
Циганка: Илијана Данилов
Кралеви: Игор Веланоски, Балаж Лашеи (Унгарија), Ервис Кочеку (Албанија)

Настапуваат балетски солисти, балетскиот ансамбл и оркестарот на Националната опера и балет

Синопсис

(според романот „Ѕвонарот на Богородичната црква“ на Виктор Иго)

I чин

На преморената мајка Гудула, која заспива, Циганите и ја крадат малата ќерка. На плоштадот во Париз, грбавиот Квазимодо го бираат за татко на шутовите, на нивниот празник. На плоштадот доаѓаат циганите и Есмералда го почнува својот провокативен танц. Клод Фроло, архиѓакон на црквата, страсно ја гледа. Есмералда, собирајќи пари, избезумена застанува пред една старица. Тоа е Гудула. Клод Фроло му наредува на Квазимодо да ја грабне Есмералда. На нејзинот крик доаѓа капетанот Феб, ја спасува, го пушта Квазимодо, а Есмералда маѓепсна гледа во Феб.

Свадба на Феб со Клер де Лис. Феб ги здогледува циганите со Есмералда и ги поканува да влезат во замокот. Есмералда е среќна и возбудена, го започнува својот танц, а Феб и се придружува.

II чин

Таверна навечер. Циганите играат. Доаѓа Феб, а тука е и Квазимодо. Феб и Есмералда одат зад вратата, во исто време доаѓа и Клод Фроло. Прегрнувајќи ја Есмералда, Феб е прободен со нож. Убиецот се сокрива, а Квазимодо го подига ножот и сфаќа дека убиец е Клод Фроло. Есмералда е обвинета за убиство. Клод Фроло и нуди спас, барајќи ја нејзината љубов. На плоштадот се спрема казна за Есмералда. Гудула ја препознава ќерка си и ги обвинува Циганите за кражба. Паѓа мртва. Квазимодо ја зема Есмералда и ја носи во црквата, но Клод Фроло ја враќа на џелатот. Квазимодо во бес во турка Клод Фролоо од кулата на црквата.