Познатата приказна за деца „Трите прасиња“, наменета за најмладата публика е балетска претстава во која раскажувачот треба да ја упати публиката во дејствието на приказната.

Се работи за Трите прасенца (Бушавко, Палавко и Темелко), кои се музичари и свират на хармоника, дајре и труба. Но, тие сеуште не свират најдобро.  Живеат на една мала фарма, далеку од светлата на големиот град. Бушавко свири на хармоника, Палавко на дајре, а Темелко на труба. Еден ден решаваат да ја напуштат фармата за да се запишат на МУЗИЧК А АКАДЕМИЈА, и да научат да свират одлично на своите инструменти. Но, тука е и неизбежниот и страшен Волк, кој сака да ги изеде! Бидејќи се тргнати на пат и немаат заштита како на својата фарма, а се наближува ноќта, размислуваат како да се скријат од Волкот, кој ги следи. Тогаш најпаметното од нив, Темелко, предлага да си изградат куќички, додека другите две се побунуваат велејќи, дека тие се МУЗИЧАРИ, а не ѕидари. Но дали, ќе изградат куќички и како ќе се спасат од Волкот, ќе дознаете на крајот на претставата.

Кореограф: Олга Панго
Костимограф: Марија Пупучевска

НАСТАПУВААТ:
Бушавко: Маја Митровска Богојевски
Темелко: Дафина Даниловска Кочевска
Палавко: Билјана Басмаџиева
Волк: Агим Бафтии
Наратор: Едона Пајазити