Комична музичко – сценска претстава, во која е претставена подготовката на роденденската прослава на принцезата Ева.
Атмосферата ја исполнуваат дворјанката Ена која воедно е и најдобрата пријателка на принцезата Ева и туторот на принцезата – Господин Макс, кој претставува субјект на многу комични ситуации. Дејствието се збогатува со присуството на нивниот нов пријател Јане, кој со задоволство ја прифаќа понудата на принцезата да им помогне околу подготовките на роденденската прослава.
Музичкиот дел на претставата е инспириран примарно од операта “Севилскиот бербер” од композиторот Џ. Росини, но и опфаќа музички дела од современи автори и популарни арии со адаптиран текст во својство на сценариото на претставата.

Сценарио и режија: Десанка Глигоријевиќ

Учесници:
Прицезата Ева: Симона Петровски / Надежда Рубен
Дворјанката Ена: Марика Поповиќ / Катерина Бошковска / Валентина Димитриевска
Момче: Јане Дунимаглоски  / Дејан Стоев
Господин Макс (пијанист): Невен Силјановски