XHUSEPE VERDI
ZONJA ME KAMELI
(shfaqje baleti)
20.03.2024 – 20.00

Dirigjent: Ivan Eminoviq
Koreografi: Vasilij Medvedev (Rusi)
Libreto: Jana Temiz
Skenograf, kostumograf dhe dizajn dritë: Pavol Juras (Sllovaki)
Ass. koreograf: Stanislav Feço (Republika Çeke)
Mjeshtër koncerti:
Repetitorë: Irena Pasariq (Kroaci), Goran Bozhinov, Aleksandra Mijalkova, Sasha Evtimova dhe Dafina Daniloska-Koçevska
Inspicientë: Dubravka Shopova, Tijana Tarçugovska Georgieva
Korepetitorë: Marjan Vasilevski, Stefan Pehçevski

Në rolet kryesor:
Margarita: Mimi Pop Aleksova Atanasovska
Armand: Boban Kovaçevski

Interpretojnë solistët, ansambli i baletit dhe orkestra e Operës dhe Baletit Nacional

Kohëzgjatja: 2 orë

Sinopsis

“Zonja me Kamelie” është një prodhim baleti që u prit mjaftë mirë nga publiku dhe mori vlerësime pozitive në premierën e tij, më 31 tetor 2014. Muzika është e të famshmit Xhusepe Verdi, kurse sfondi dramaturgjik është marrë nga “Traviata” e tij e njohur. Koreografia është e të ftuarit nga Rusia, Vasilij Medvedev, kostumet e bukura dhe skenografia janë vepër e Pavol Juras, mysafir nga Sllovakia.

AKTI I

Pamja 1
Ballo. Zonja dhe zotërinj, duke përfshirë zonjat e animuara me klientët e tyre, luajnë, flasin. Çiftet largohen dhe kthehen. Armando është një i ri naiv. Margarita ia tërheq vëmendjen dhe menjëherë në shikim të parë bie në dashuri me të. Ai përpiqet të arrijë vajzën. Margarita pranon miqësinë e tij. Armando është i emocionuar. Ai zbulon se Margarita është e sëmurë. Ai e ndihmon atë. Pranon se e do atë. Ata bashkë largohen nga balloja.

Pamja 2
Armando dhe Margarita janë në Paris. Rruga është e mbushur me kalimtarë. Vajzat e luleve i afrohen çiftit të dashuruar. Një nga një u ofrojnë lule të ndryshme: trëndafila, zambakë, jargavan. Armando blen kameli. Margarita është e gëzuar pa masë. Ajo mban buqetën me kameli, duke e ditur që Armando e do. Ajo ia kthen me emocionet e saj. Ajo vendos lule kamelie në flokë, në fustan, në xhaketën e Armandos. Ata janë të lumtur… Kamelitë bëhen simbol i dashurisë së tyre.

Pamja 3
Dhoma e Margaritës. Margarita e përcjell Armandon pasi kaluan natën së bashku. Ajo është e vetme dhe e lumtur, duke ëndërruar për dashurinë e saj. Shërbëtorja njofton për një vizitë. Një nga ish-klientët e saj, mbrojtësi i saj, vjen për ta vizituar. Dhe ofron para për dashuri. Margarita e refuzon atë. Ajo nuk dëshiron më të shesë dashurinë e saj. Armando rikthehet papritur! Përballet me kundërshtarin. Margarita pranon se e do vetëm atë. Armando i lutet dhe i kërkon të heqë dorë nga jeta e mëparshme dhe të largohen së bashku nga Parisi. Në fshat, në natyrë, ajo do të shërohet dhe do të jetë e lumtur. Të rinj dhe të dashuruar, plot shpresë që duan pafundësisht të nisin një jetë të re.

AKTI II

Pamja 4
Armando dhe Margarita janë në fshat. Shërbëtorja u lajmëron atyre për njerëzit që kanë ardhur për borxhin e tyre. Armando del shpejt për t’i takuar.

Pamja 5
Shfaqet babai i Armandos. Ai përpiqet të bindë Margaritën të largohet nga Armando. Ai i ofron asaj një byzylyk diamanti. E tërbuar, Margarita e refuzon dhe e hedh byzylykun në dysheme. I përkeqësohet shëndeti. Babai e kupton situatën – ajo e do vërtet djalin e tij dhe është shumë e sëmurë. E zhgënjyer, Margarita i premton babait të Armandit se do të largohet nga i dashuri. Ajo i shkruan një letër lamtumire, i vendos një lule kamelie në letër dhe pavarësisht sëmundjes kthehet në Paris dhe në jetën e saj të mëparshme. Duke marrë letrën e Margaritës, Armando është i shqetësuar.

Pamja 6
Gjithçka është e zakonshme në Paris. Ballo përsëri…Margarita është e rrethuar nga fansat dhe klientët e saj. Dashuria ka lënë një gjurmë të thellë tek ajo dhe tani është ndryshe, e trishtuar dhe e pa interesuar për asgjë. Këtu vjen Armando. Ai dëshiron të harrojë Margaritën dhe nuk pret ta takojë. Duke e vënë re, i afrohet dhe e akuzon se ishte me të për para. Për ta poshtëruar, ai i jep para. Margarita e lë ballon e poshtëruar dhe e dëshpëruar.

Pamja 7
Dhoma e Margaritës. Ajo është kthyer nga balloja e thyer nga dhimbja dhe e poshtëruar. Ajo është e sëmurë rëndë. Vajton në vetmi, duke pritur vdekjen e saj. Shërbëtorja përgatit shtratin e saj. Margarita bëhet gjithnjë e më keq. Në agoninë e vdekjes, ajo sheh Armandon – sikur po kthehet në ditët e lumtura të dashurisë së tyre. Për fat të keq, shfaqja zhduket. Margarita është e rraskapitur, e pakënaqur dhe e vetme. Ajo përqafon buqetën me kamelia që sjellin kujtime. Forca e lë dhe ajo vdes.