ОНЛАЈН МОВ 2020

Почитувани пријатели и соработници,  љубители на оперската и балетска уметност, почитувани наши редовни посетители на Мајските оперски вечери,

Оваа година ќе ги одбележиме Мајските оперски вечери на еден поинаков начин, со надеж што поскоро да се вратиме на нашата сцена и зад неа. На нашиот официјален YouTube канал, ќе имате можност да проследите 10 наши продукции, 8 оперски и 2 балетски, со кои ќе ги одбележиме Мајските оперски вечери,  фестивалот кој е најзначаен за Националната опера и балет.

За распоредот на закажаните дигитални премиери следете ја нашата веб страна www.operabalet.mk, и претплатете се на нашиот официјален јутјуб канал www.youtube.com/user/makoib.

Прв дел :

„Гала оперски концерт“

„70 години Македонска опера“

Диригент: Бисера Чадловска

Втор дел:

  “Кавалерија рустикана” – Пјетро Маскањи
    ПРЕМИЕРА 31.10.2017

Диригент: Џанлука Мартиненги ( Италија)
Асс. Диригент: Иван Еминовиќ
Режисер: Џандоменико Вакари ( Италија)
Асс.режисер: Алесандро Идонеа (Италија), Љупка Јакимовска, Трајко Јордановски
Сценограф: Зоран Николовски
Светло мајстор: Васил Лисичов
Костимограф: Елена Дончева
Концерт мајстор: Јане Бакевски
Хор – мајстор: Ѓургица Дашиќ, Јасмина Ѓорѓеска
Корепетитори: Елена Сиљановска, Јанинка Невчева, Андреја Наунов

НАСТАПУВААТ:
Сантуца: Весна Ѓиновска Илкова
Туриду: Ѓорѓи Цуцковски
Алфио: Борис Трајанов
Лола: Николина Јаневска
Мајка Лучија: Марика Поповиќ

Инспициенти: Љупчо Полизов, Драган Костадиновиќ, Марко Павлевски
Суфлери: Светлана Георгиева, Павлинa Здравкова

Опера во еден чин (Праизведба во Рим, 17.05.1890)
Прељуба, љубомора, одмазда = Трагедија
 
Содржина:
Вечер пред Велигден во сицилијанско село.
Младата Сантуца се упатува кон куќата на Лучија, мајката на Туриду, човекот кој таа го сака, а во чија љубов се сомнева, сo цел да разговара со него.
Но, наместо разговор, таа ги гледа Туриду и Лола како тајно се среќаваат.
Лола е жена на коларот Алфио. Туриду, пред да замине во војска бил свршен со Лола, но во меѓувреме таа се омажила за имотниот Алфио.
Туриду после враќањето од војска разочаран, бара утеха во прегратките на селанката Сантуца.

Сантуца, сега веќе грешница во очите на селаните, останува сосема сама, отфрлена од сите. Таа неможејќи да ја совлада љубомората и кажува на мајката на Туриду Лучија, каков грев сторил нејзиниот син.
Доаѓа и Алфио, кој после долго патување се враќа во селото и кажува како и тој го видел Туриду покрај неговата куќа.

Ззборовите на Сантуца и она што го слуша од Алфио, ја фрлаат мајката Лучија во сомнеж и страв.
Доаѓа Туриду,  Сантуца сака да зборува со него, но е спречена од Лола која кокетира со Туриду и заедно со него оди во црква.
Сантуца, пред која селаните ги затвораат црковните врати, останува сама. Наидува Алфио и таа му кажува за прељубата на неговата жена. Тој ветува одмазда. Дури тогаш Сантуца сфаќа што сторила, но веќе е доцна.

Со цел да го спаси својот сакан и да си ја врати честа пред селаните, таа оди да ги викне карабинерите да го спречат Алфио во одмаздата и да го спасат Туриду.
После црковната служба, Туриду ги поканува другарите да се напијат во неговата крчма. Доаѓаат и Лола и Алфио. Туриду ги гледа како танцуваат.
По острата расправија, Туриду и Алфио решаваат да излезат на двобој.
Туриду веќе нема излез. Тој и се обраќа на својата мајка со молба да ја чува Сантуца, ако тој не се врати.
Мајката Лучија сеуште не сфаќа што се случува. Сантуца доаѓа доцна со карабинерите.
Се слуша само: ,,Туриду е мртов“